ನಾನು ಸ್ವಂತಿಕೆಯ ಲೇಖನ ಬರೆಯುವುದನ್ನು ನಿಲ್ಲಿಸಿ, ಈಗ ಮತ್ತೆ ಅದ್ಯಾಕೋ ಬರೆಯಬೇಕು ಅಂತ ಅನ್ನಿಸುವುದರ ಮದ್ಯೆ 'ನಾನು ಸಾಕಷ್ಟು ಬದಲಾಗಿದ್ದೇನೆ' ಎನ್ನುವುದು ಅನುಭವಕ್ಕೆ ಬರುತ್ತಿದೆ. ವಿಷಯ ಸಂಬಂಧಿತವಾಗಿ ವಿಶ್ಲೇಷಣೆಯ ರೂಪದಲ್ಲಿ ಅಥವಾ ವಿಮರ್ಶೆಯ ರೂಪದಲ್ಲಿ ಲೇಖನ ಬರೆಯುವುದು ಹವ್ಯಾಸ ಆಗಿದ್ದ ಆ ಸಮಯದಿಂದ ಪ್ರತಿಯೊಂದು ವಿಷಯವನ್ನೂ careless ಆಗಿ ಕಾಣುವ ಈ ಸಮಯದವರೆಗೆ ಅದೆಷ್ಟೋ ಹೊಸ ಅನುಭವ - ವ್ಯಕ್ತಿ - ತಿಳುವಳಿಕೆಯ ಮೂಲಕ ನಡೆದು ಬಂದಿದ್ದೇನೆ ಎನ್ನುವುದನ್ನು ಅವಲೋಕಿಸಿದರೆ ಒಂದು ದೀರ್ಘ ಶ್ವಾಸ ಹೊರಹೊಮ್ಮುತ್ತದೆ.
ಯಾರು ನೋಡದಿದ್ದರೆ ಏನಂತೆ ಮುಂದೊಮ್ಮೆ ನನ್ನನ್ನು ನಾನು ಅವಲೋಕಿಸಲು, ನನ್ನ ಈ ಮಾತೃಭಾಷೆಯ ಲೇಖನಗಳು ಸಾತ್ ನೀಡಬಹುದು ಎನ್ನುವ ಅದ್ಯಾವುದೋ ಆಶಾಭಾವ ಮನಸ್ಸಿನಲ್ಲಿ ಚಿಗುರುತ್ತಿದೆ. ಬರೆಯುತ್ತೇನೆ.... ಅನುಭವಗಳನ್ನು ತಿಳುವಳಿಕೆಗಳಾಗಿ ಮನಸ್ಸಿನಲ್ಲಿ ಅಚ್ಚೊತ್ತಲು ಎಲ್ಲವನ್ನೂ ಬರೆಯುತ್ತೇನೆ..... ಮಾಹಿತಿಗಳನ್ನು ಮುನ್ನೆಚ್ಚರಿಕೆಗಳಂತೆ ಗಂಭೀರವಾಗಿ ಪರಿಗಣಿಸಲು ಪ್ರತಿಯೊಂದನ್ನೂ ಬರೆಯುತ್ತೇನೆ...